حمله هنتغير بجد .....

[b]
الحلقة ال 23

(يلا بينا نصلى )





+السلام عليكم ورحمه الله وبركاته




=وعليكم السلام ورحمه الله وبركاته

+موضوعنا النهارده مهم جدا
ويمكن هو الاهم فى حملتنا




=يعنى اللى فات مش مهم




+طبعا مهم ولكن لازم علشان نضمن
انه يتقبل
يبقى حلقه النهارده




=ليه هيا بتتكلم عن ايه ؟؟







+عن احلى حاجه
واحلى هديه
من رب البريه




=ايوه ياعم بتعرف تألف اشعار







+لا بأمانه دى حفظتها من الشيخ
محمد حسان




=ربنا يبارك له بس ديما مكشر







+لا ده كان زمان وكلامه اكتر من رائع كل شيخ وله طريقه
المهم حلقتنا النهارده عن




"الصلاه "




هديه ربنا اعطاها لكل خلقه
من البشر ولكن مين اللى عاوزها




=بص معلش موضوع زى ده
مهم جدا
ولكن احنا عاوزين نتكلم بصراحه
كل الحواجز اللى بيننا علشان اطلع كل اللى فى قلبى




+بص انا عاوزك تفك خالص
علشان ناخد اكبر خطوه فى طريق التغيير




=ماشى فى الاول كده
انا عندى كام مشكله


+ماشى ناخدهم واحده واحده ونحاول نحلهم







=ماشى اول واحده
وهى المصيبه
(الكسل )
كل لما اقول هصلى اكسل جامد اوى
والاقى حاجه تشغلنى وماتخلينيش اصلى




+بص مين يعرف عن نفسك اكتر انت ولا اللى خلقك




=طبعا اللى خلقنى حبيبى







+طيب ربنا عرض المشكله دى فى القران الكريم وقال
سبحانه
(واستعينو بالصبر والصلاه وانها لكبيره )وكبيره بمعنى تقيله
بتخليك تكسل
ونكمل (الا على الخاشعين )
يعنى الا الناس دول
تقيله على كل الناس
وخلى بالك ربنا ما قلش
الا على المصلين
لان فى ناس كتير بيصلوا
ومش بيخشعوا
وبالتالى ممكن
يتعرض لموقف يسيب الصلاه
بسببه ويكسل زى حضرتك




=طيب مين هما الخاشعين دول ؟







+ربنا قال(الذين يظنون انهم
ملاقو ربهم وانهم اليه راجعون)
يعنى حسبينها صح
عارفين ان حتى لو عصيته
او اطاعته برده راجعله
ورايحله يبقى من دلوقتى
احسن وعارفين انهم
رايحين لله
الكريم الغفور التواب
علشان يتكلمو معاه
ولسه هنتكلم ازاى نخشع ونحس بالصلاه ونعيشها بجد




=طيب وفى مشكله تانيه
هى مش الصلاه بتنضف القلب وبتخليه ابيض
طيب طالما القلب ابيض جاهز يبقى مش مشكله الصلاه







+بص ربنا حبيبنا قال
(ان الذين آمنو وعملو الصلحات )
ومافيش ولا ايه بتقول
انا الذين آمنوا بس
اذن ماينفعش ان انا اومن
بربنا من غير ما اعمل عمل
صالح




=طيب ما انا بعمل اعمال صالحه







+ومين قالك انها مقبوله ؟




=.....يعنى ايه ؟؟؟؟








+يعنى اول حاجه يوم القيامه وانت واقف ادام ربنا
هيسألك عن الصلاه
لو كنت بتصلى يبقى
كل اعمال الخير مقبوله
وكأن الصلاه واسطه
لبيقت الاعمال علشان تتقبل
ولو ماكنتش بتصلى يبقى
ربنا يعوض عليك فى الاعمال
بتاعتك كله هيبوظ
وما ينفعش واحد يكون
مليان ذنوب وتقول قلبه ابيض




=طيب ما هو كل ابن آده خطا







+جميل اوى وخير الخطائين التوابون
والصلاه بتنضفك اول باول
يعنى لو افترضنا ان الذنوب
زى التراب علشان تنضف
تعمل ايه ؟



=اخد دش






+كام مره فى الاسبوع



=يعنى مرة او 2 او 3بالكتير






+طيب لو اخدت خمسه وتلاتين دش فى الاسبوع




=ايه ليه حمله دش كل يوم







+لا كل يوم 5 مرات بس
بس هتنضف خالص من التراب قصدى الذنوب
والذنوب بتجمد القلب




=وكمان مشكله هو مش من اهداف الصلاه
انها تصلحنى







+ايون




=طيب انما الاعمال بالنيات







+طيب انت جعان




=.......!!!!





+جاوب



=بصراحه اه



+طيب انت عاوز تاكل



=ايون



+طيب شبعت ولا لسه ؟



=هو انا اكلت اساسا



+انما الاكل بالنيات
طالما انت نيتك انك تاكل خلاص
يبقى لازم تشبع



=مش فاهم



+بص انما الاعمال بالنيات
يعنى فى عمل وفى نيه



=اه



+يعنى ما ينفعش ما تكولش وتقول انا شبعت
=اه فهمت
يعنى الاول لازم اصلى وبعدين اقول انما الاعمال بالنيات
وعلى اساسها هيقبل العمل او هيرفض



+بالظبط
وايه تانى من المشاكل



=بالنسبه لى خلاص بس فى واحد صاحبى
كل لما حد يقوله على الصلاه يقوله العمل عباده



+بص اولا ده مش حديث ولا حاجه دى مجرد حكمه
ولو افترضنا ان العمل عباده فالصلاه فريضه واحسبها انت



=معلش افتكرت حاجه
فى واحد اعرفه بيصلى وربنا بيكرهه اوى ديما الراجل ده
عند مصايب
اما ابنه مكسور او عربيته ادغدغة ديما فى مصايب



+ده كده ربنا بيحبه اوى لانه عاوز يكفر عنه ذنوبه
وعلشان الراجل ده يقول يارب
ولسه قايلين واستعينو بالصبر والصلاه



=صح كده اظن ما فيش مشاكل غير اخر واحده
معلش
ساعات بتكون الجو برد وبكسل اتوضى علشان الميه
بتبقى ساقعه



+تستحمل مين
بروده ميه الدنيا
ولا
حراره جهنم فى الاخره




=.....







+والاسلام دين يسر
انت ممكن تدفى الميه وتتوضى
واتصرف وبطل كسل قلنا
طب اقولك على حاجه
عارف لو انت صليت اى صلاه فى جماعه
مره واحده يتكتب لك
وكأنك صليت 280مره



=ايه ....كام ...ازاى ؟


+بص حبيبك النبى قال صلاه الجماعه افضل من صلاه الفد
ب(27)درجه يعنى هنقول اقل حاجه 28 لانها افضل من
واول ما الصلاه فرضت فرضت 50 صلاه يوميا ولما الرسول كلم
ربنا علشان يخففها عننا بقت 5 صلوات يوميا وربنا قال ساعتها
(يا محمد خمسه فى العمل وخمسون فى الاجر مايبدل القول لدى )
يعنى الصلاه الواحده بتساوى 10صلوات فى الاجر
والصلاه فى جماعه قلنا ب 28 اضربهم فى بعض
28×10=280
واليوم الواحد لو صليت الخمس فروض
يبقى 1400صلاه
والحساب يوم الحساب



=...ياااااااااااااه فعلا صح


+انت عارف الحديث بتاع بناء الاسلام


=اللى هو بنى الاسلام على خمس



+بالظبط قولو كده



=الشهاده واقام الصلاه و...



+بس مش ملاحظ حاجه
انك ممكن تشيل اقام الصلاه
وتحط اداء الصلاه



=مش هتفرق كتيير بس ده حيث ماينفعش اغير فيه



+عارف بس افهم ليه اقام الصلاه
وربنا قال(اقم الصلاه ....)و(واقام الصلاه ...)الايات



=طيب ليه ؟؟






+لان الاقامه غير الاداء
لان الاداء انت بتأدى حاجه وبتنزلها من عليك
زى لاعب ادى كويس فى الماتش
يعنى لعب كويس بس الماتش خلص خلاص
اما اقامه الصلاه من يقيم الصلاه
زى بالظبط لما اقولك انا هقيم عمارة هنا
يعنى سواء سكنت فيها
او حتى بنتها وسبتها هى موجوده
يعنى لو اقمت الصلاه فى قلبك يعنى
سواء وقت الصلاه او مش فى وقت الصلاه هى مأثره فيك
بانها بتخليك تبطل معاصى وبالتدريج ومن غير ماتحس



=هو مش الرسول صلى الله عليه وسلم قال
من لم تنهه صلاته عن الفحشاء والمنكر فلا صلاه له
طيب وانا قبل كده قعدت فتره صلى وماعملتش حاجه



+ينفع واحد انت لسه مصاحبه من كام يوم
تقوله على اسرارك وتاخد عليه
وتغير فيه ويغير فيك زى واحد انت مصاحبه من سنه



=لا طبعا



+خلاص يبقى الصلاه لازم تاخد الاول عليها علشان تغيرفيك
وثانيا الحديث ده ضعيف
ثالثا ربنا قال (ان الصلاه تنهى عن الفحشاء والمنكر )يعنى مش
انت اللى هتنهى نفسك
واحنا قلنا قبل كده 4 على واحد حراااااام
والاربعه (النفس الاماره بالسوء)(والشيطان)(والهوى يعنى المزاج)
و(الحسد) عليك لوحدك والحل انك تستعين بربك وحده
هو اللى هيعينك يبقى انت لازم تقربله بالطاعه والطاعه مش مضمونه الا
بالصلاه
والصلاه بنهى عن الفحشاء والمنكر يبقى انت هتقرب من غير ماتحس وهتبطل كتيييير اوى من ذنوبك من غير ماتحس لانك كل اللى هتعمله انك هتصلى بس



=طب ازاى الصلاه هتغير فيا من غير ما احس ؟؟



+هات بلونه و كور بينج بونج وبارفان (ريحه,عطر)ورش على الكور
من البارفان ده وحط الكور فى البلونه



=ايه التشبيهات الغوريبه دى؟

+ركز وانت ساكت حطيت الكور



=انا هتخيل ...ماشى حطيتها بس الكور بتدخل بصعوبه



+ عارف دخلها بالعافيه


=دخلهم كلهم



+لو قلت لك ايه رأيك في الكور هتقول ايه ؟؟



=ريحتهم حلوه



+دى وجهه نظرك
ولكن الريحه دى مؤقته ومش اصليه (مصنعه يعنى)
والكور واخد مكان كبر وحجم اكبر
ولو ضغط على البلونه من بره هتلاقيها ناشفه



=مظبوط وانت صح بس ايه الحل ؟



+الحل انك تخلى الكور وتحط من فوق ورد
طبعا هتقعد تحط لحد لما الانبوله تتملى على الاخر
لان لسه الكور تحت
طبعا فى فرق شاسع بين الكور والورد
يعنى الورد ريحته احلى ودائمه واصليه
ومش واخد مكان خالص وحجمه صغنن جدا
ولو ضغطت على البلونه هتلاقى انها طريه جدا
طبعا انت هتبتدى تشيل الكور كوره كوره لانك سرحان فى ريحه الورد
وكل لما تشيل كوره الورد يملا مكانهم وانت مش حاسس بأى فراغ
لكن لو مفيش ورد وانت ماتعرفش مميزات الورد هتيجى تشيل الكور
يجى واحد ماسك البلونه يقول سيبها ماهى ريحتها حلوه
والتانى عامل نفسه فيلسوف ويقول بالعقل هتشيلها ليه مش مخسراك حاجه
دى ريحتها حلوه
والتالت يقولك كل الناس سايبه الكور هتشيها انت
والرابع لو انت قاومت وشيلتها يقول ياااه قدرت تشيلها لوحك ويحسدك وترجع اسوء مما كنت



=انا مش فاهم حاجه خالص



+عارف بص
البلونه (القلب )طريه فى الاصل
الكور (الذنوب )كبيره وواخده مكان فى القلب ومنشفاه قوى
البارفان (لذه الذنوب )مؤقته مجرد ما تخلص تنتهى الريحه (اللذه)
والورد (الصلاه) ريحتها اصليه ودائمه دنيا واخرة ومش بتاخد مكان
وبتخلى القلب بطبيعته طرى
والناس اللى بتتكلم
الاول (النفس الاماره بالسؤ)
التانى (الشيطان)
التالت (الهوى و المزاج )
الرابع (الحسد )



=اه فهمت يعنى الصلاه هتشيل واحده واحده وكل لما تشيل حاجه
تملا مكانه بالورد



+ايون بالظبط كده



= اى خدمه



+انت عارف الصلاه فيها ميزه غريبه اوى
انها بتلم معظم العبادات فيها
علشان كده اسمها ام العبادات



=يعنى ايه ؟و يعنى ايه ام العبادات ؟


+اول ما بتبدأ الصلاه بتقول الله اكبر (ده ذكر)
وبتقرا قران ,وبتدعى , وبتمتنع عن الاكل (شبه الصوم )
ولازم تحافظ على وقتها (فريضه الوقت )
وكمان بنتجه للقبله بتذكرنا بفريضه الحج
وحاجات كتييير


=اه صح



+وافتكرت مشكله تانيه
ان تارك الصلاه كافر



=بس فى ناس بيقولو مش خارج من المله وناس بيقولو خارج



+خارج ولا مش خارج انت ايه اللى يخليك تاخد اللقب ده اساسا



=صح



+عارف الحب من طرفين



=احنا بنتكلم فى الصلاه ...



+هو مش احنا قلنا هندردش مع بعض



=ماشى بس فى الصلاه



+احنا فى الصلاه



=ماشى عارفه



+عارف الحب من طرف واحد



=عارفه بس خنيق اوى تقعد تحب واحد
ويفضل حلقلك ومطنشك وفى الاخر تزهق
والحب من طرفين زى العسل



+طب الصلاه حب من طرفين


=ازاى ؟؟


+ربنا قال قسمت الصلاه بينى وبين عبدى
ولعبدى ما سأل



=طب ازاى ؟؟


+لما بتدخل فى الصلاه وتقول الحمد لله رب العالمين
ربنا يرد عليك ويقول حمدنى عبدى
وكده
واقرب ما يكون العبد من ربه وهو ساجد
يدعى براحته



=بص انت بصراحه اقنعتنى بالصلاه
ولكن انا عاوز اخشع ...ازاى ؟؟



+سهله اوى احنا اتكلمنا عن عن الايه واستعينو بالصبر والصلاه )



=اه



+وهقولك كمان حاجه
انت عارف انت هتصلى لمين ؟


=لربنا



+يبقى لازم تحط فى دماغك مين ربنا
الكريم الغفور التواب الرحيم
ثانيا لازم تركز اوى فى الصلاه وصلى كأنها اخر صلاه فى حياتك
ثالثا حط فى دماغك الصلاه اما تدعي لك او تدعى عليك
رابعا وى اللى هتسبتك
انا لما بتدخل الصلاه ربنا بيقبل عليك بوجهه
ما احنا قلنا (حب من طرفين )
ولكن اول ما تلتفت اوتسرح او تنشغل بحاجه تانيه ربنا يقولك (لخير منى ؟؟؟)
(يعنى اللى انشغلت بيه ده احسن من ربنا)
اظن مفيش اجابه فلازم تركز اوى وتخشع وتعيش
وعاوزك تعيش اوى فى الصلاه
عيش استمتع بأيات ربنا
واستمتع بالايات يعنى
الحمد لله رب العالمين )عصيته ومهلك ومن عليك بالصلاه وانت لسه بصحتك
وانعم عليك ورزقك رغم معصيتك ليه
(الرحمن الرحيم)فعلا رحمته وسعت كل شئ
(مالك يوم الدين )ايوه على العظمه اكتر يوم بنخاف منه بأيده ينجيك ويطمنك
او يبهدلك
(اياك نعبد واياك نستعين )يارب بعبدك عصيتك بس بحبك ورجعتلك وهستعين بك يارب ومش هروح لغيرك لانك حبيبى
(اهدنا الصراط المستقيم )يارب اهدنا للطريق الصح اهدنا للاسلام وللجنه
(صراط الذين انعمت عليهم )الطريق اللى انت انعمت عليه للناس الكويسه والصالحه
(غير المغضوب عليهم )اللى هما النصارى
(ولا الضالين)اللى هما اليهود
واقرا بالراحه لعلك تموت وانت بتصلى يبقى يا بختك والله
وتقرا اى سوره او ايه تعجبك ودوقها
وبعدين اركع وقول سبحان ربى العظيم 3مرات واستشعر يعنى ايه توطى
وتحنى جسمك لله
وبعدبن قوم اقف واركز فى مكانك يعنى اقف عدل وقول سمع الله لمن حمده
ربنا ولك الحمد (احمده من قلبك )
وبعدين اسجد بشرط ان يكون فى 6 اعضاء على الارض الايدين والقدمين
والجبهه والانف وماتفردش كوعك وتخليه يلمس الارض علشان كده غلط
وقول سبحان ربى الاعلى خلاص يبقى فى الركوع سبحان ربى العظيم ووانت على الارض سبحان ربى الاعلى وادعى براحتك وباللغه اللى تعجبك وقوم اقعد واسجد كمان مره وقول سبحان ربى الاعلى 3 مرات وادعى براحتك وقوم كل ركعه على كده بس بعد كل ركعتين اقعد واقرا التشهد وافهمه انا عارف انك حافظه ولكن افهمه اولا ده كان حوار بين حبيبك النبى وربنا سبحانه وتعالى
لما النبى دخل الجنه فى الاسراء والمعراج فالنبى قعد ادام ربنا القعده اللى بنقعدها فى التشهد وقال لله (التحيات لله والصلوات والطيبات )
فربنا حبيبنا قال لنبينا محمد (السلام عليك ايها النبى ورحمه الله وبركاته )
فالنبى رد وقال (السلام علينا وعلى عباد الله الصالحين )بص حبيبك والله لو انت مكانه ماكنت هتفكر غير فى نفسك النبى حتى وهو قاعد ادام ربنا حبيبنا
بيدعيلنا وبيلقى علينا السلام والله بجد بنحبه
فحمله العرش قالوا( اشهد ان لا اله الا الله وان محمد عبده ورسوله )
وبعد كده هتصلى على النبى الصلاه الابراهيميه
وهى (اللهم صلى على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد )وممكن تبسطها وتقول فى الصلاه الابراهيميه
(اللهم صلى وبارك على محمد وعلى ال محمد كما اصليت وباركت على ابراهيم وعلى ال ابراهيم فى العالمين انك حمد مجيد )


=طب مش المفروض اقول سيدنا محمد



+حبيبك النبى قال لا تسيدونى فى الصلاه يعنى ماتقولش سيدنا محمد فى الصلاه لكن قولها بره الصلاه عادى



=طب معلش انا مكسوف اوى من الطلب ده ياريت توضح للناس عدد الركعات
والسنن المفروضه



+بص كل الصلوات المفروصه هتصليها 4 ركعات الاالصلاه اللى قبل شروق الشمس بتبقى ركعتين ودى من رحمه ربنا علينا لان الناس بتبقى صاحيه من النوم وعاوزه تنام ولكنها فضلت ربنا عن النوم
والصلاه اللى لما الشمس تغرب بتبقى 3 ركعات
والباقى اللى هما الظهر والعصر والعشاء 4 كعات
والسنن بقى 2قبل الفجر ودول خير من الدنيا وما فيها يعنى تصليهم كأنك
كسبت الدنيا باللى فيها لا اسف ده احسن من الدنيا باللى فيها



=طب اشمعنى دول



+لانك بتبقى لسه صاحى من النوم وسايب النو علشان تقابل حبيبك
فلازم ربنا يغلى ثمنهم وده كرم منه
وقبل الظهر 4 ركعات وبعدها ركعتين بس وخلى بالك ممكن تصلى قبل الظهر 4 وبعده 4 وتاخد شهاده ضمان بأنك محرم على النار ومش هتدخلها يلا خد
الشهاده انت ضامن عمرك ؟؟؟
والعصر راحه من السنن
والمغرب ركعتين بس والعشاء برده ركعتين بس
واحلى حاجه انها مفيهاش اى تعب ولا بهدله لانك لو صليت ال12 ركعه فى يوم واحد ربنا يبنى لك بيت فى الجنه



=بيت فى الجنه ب 12 ركعه بس ...يابلاش



+وانا كمان عندى فكره ايه رأيك نعمل مدينه سكنيه ليا انا بس كل كام يوم ابنى بيت وب 12 ركعه بس والله اوكازيون ربانى



=اخر سؤال معلش


+اتفضل
=طب بالنسبه للصلوات اللى انا ماصليتهاش قبل كده
هصليها امتى ؟؟



+انت نسيت انت بتصلى لمين ؟



=لربنا طبعا



+طب وربنا من صفاته التواب والغفور والكريم
يعنى مجرد ما انت تروح له وتتوب له يسامحك فى اللى فات



=يعنى ما اصليش اللى عليا



+تانى انت رايح تصلى للكريم التواب



=ياااااااااااااااااااااااااااه على الكرم والعظمه بجد عيب اوى عليا ان الفتره دى كلها
مبصليش واشكره على نعمه
يارب يا حبيبى لئن احييتنى لارينك ماذا سأصنع
يارب لو اديتنى العمر هتشوف انا هعمل ايه وهشكرك ازاى



+ايوه كده هى دى الرجوله انك تضرب مليون عصفور بحجر واحد
رضا ربنا
وشفاعه حبيبك النبى
وكوبايه ميه من النبى يوم القيامه
واستجابه دعائك
والناس تحبك
والملايكه تحبك
وتبطل ذوبك ومعاصيك من غير ما تحس
كل ده ب 17 ركعه فى اليوم يا بلاش

(حان الان موعد الاذان )


=طب يلا السلام عليكم ورحمه الله وبركاته علشان الصلاه



+وعليكم السلام ورحمه الله وبركاته وابقى ادعيلنا




تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 567 * 425 و حجم 81KB.



انتظرونا فى الحلقة القادمة

بعنوان

(( التغيير طريقنا الى الجنه ))

[b]
الحلقة ال 24
" الموســـم الثالث "



(( التغيير طريقنــــا الى الجنه ))


+ السلام عليكم ورحمه الله وبركاته


=وعليكم السلام ورحمه الله وبركاته


+ازيك يا باشا ؟


= الحمد لله بخير
ايه اخبار الموسم الثالث ؟



+هيبقى جامد باذن الله
بس عاوزين نشتغل كلنا مع بعض


=انا معاك وهنشتغل مع بعض


+ ماشى مستنينك ...
نبدأ فى الموسم الثالث
ان شاء الله
فى الموسم ده هبدأ من الصفر


=تانى من الصفر


+اه تانى بس المره دى التغيير اللى عاوزينه مش تغيير دينى بس
لاء عاوزين تغيير شامل لكل
حياتنا يعنى نغير العادات قبل العبادات
ونغير المشاعر قبل الشعائر
علشان نطلع بعدها
شباب صح وينات صح
نعيش دنيتا بجد ونعيشها صح
ونضمن مكاننا فى الجنه برحمه ربنا طبعا برحمه ربنا
ولكن يبقى عملنا حاجه فى دنيتنا
وقدرنا بعون الله اننا نساعد بعض على التغيير



=صح


+والتغيير اللى عاوزينه
طبيعى جدا يعنى
هنمشى مع طبيعه النفس البشريه
يعنى مش ينفع
ان واحد بيشرب فى اليوم عشر سجاير
نقوله انت لازم تبطل
مرة واحده
طبعا ماينفعش
لازم واحده واحده يعنى امبارح
بتشرب عشره النهارده وبكره تشرب 8
ونقلل بالتدريج
علشان لما نبطل السجاير مثلا ما نرجعش تانى




=طيب فى ناس مينفعش تتغير
او صعب عليها التغيير




+بص القصه دى
واحد عمل كل انواع الذنوب
واحد عمل كل حاجه حرام
واحد زعل ربنا منه بكل الطرق
طيب كل اللى فاتوا دول فى شخص واحد
يتغير ويبقى متدين
بل ويبقى داعيه




=انت بتحلم ...ازاى ؟؟




+انا بتكلم بجد لان هو داعيه موجود دلوقتى وهو اللى قال على نفسه كده
انه كان بيشرب سجاير وعمل كل حاجه
غلط
واتفرج عليه من افضل الدعاه
دلوقتى



=يعنى فى امل؟


+طبعا
ربنا موجود بس
هل انت موجود؟
ربنا بيقبل اى حد
بس هل انت هتروح له؟



=انا عاوز اروح له
بس ...


+مفيش بس
انت هتروح ولا ...



=انا والله عاوز اتغير
بس بصراحه عاوز اعيش حياتى
انا شاب برضه وعاوز اعيش
حياتى انا ...


+انت فاهم الدين
غلط خالص
مين اللى قال لك
ان الدين هيخنقك



=مين اللى قاللى !!
اتفرج على الافلام
تلاقى المتدين تصرفاته غلط
يتعارك مع اى واحد بيعصى
ويفتكر نفسه هو اعلى واحد
ومكشر
ومتخن صوته
ومش مهتم بنفسه



+ بص يا جميل انا هقول لك
من الآخر
هجيب لك مثالين
الاول
اللى انت بتقوله
المتدين المكشر
اللى بيزعق
اللى مش مهتم بنفسه
الكئيب


التانى
لما يشوف ديما مبتسم
وبيحط برفان
وشيك جدا
فى طريق لبسه
وفى طريقه كلامه
ومحترم
وديما بيضحك
يبتعامل مع كل الناس
الطائع والعاصى والزانى والمدمن
والبنت "بس بحدود "



=طبعا التانى من غير تفكير
لان التانى شخصيه بحبها
وكل الناس بتحبها



+طيب واذا كان التانى
هو المسلم الصح


= معلش ..ازاى هو الصح؟



+بص هثبت لك
من كلام النبى
النبى قال
ان الله جميل يحب الجمال
يعنى علشان تبقى صح
لازم وغصب عنك تبقى شيك
وجميل
وربنا قال ما يلفظ من قول الا
لديه رقيب عتيد
يعنى غصب عنك لازم تكون لبق فى طريقه كلامك
وتختار الفاظك
والنبى قال ان كان لدى احدكم شعر فليكرمه
يعنى سرح شعرك وبشياكه
بس ميكنش فيها تقليد لواحد
مش مسلم بس طالما
التسريحه شيك ومافيهاش حاجه خلاص
والنبى من افضل 3 حاجات له فى الدنيا واحده منهم
العطر يعنى البارفان دلوقتى
والنبى قال من تواضع لله رفعه
والناس سواسيه
يعنى متساوين كلهم زى بعض
يعنى لازم تتواضع
ايه رأيك ؟؟
شفت ان كل اللى انت عاوزه
مش هتعمله جدعنه منك لا
ده المفروض انك تعمله
لان النبى امر بيه
ولانه شئ مستحب



=......



+طبعا مش قادر تنطق
لانك كنت فاهم الدين غلط


=فعلا
بس عاوزين نتكلم
عن ازاى نتغير وايه الدافع للتغيير اللى
عاوزين نعمله
وهكسب ايه من ورا التغيير


+كل ده هنعرفه
فى الحلقه الجايه
وفى اقرب وقت هنتقابل
ونتكلم عن الحاجات دى



=ماشى بس مش عاوزين تأخير



+يلا
السلام عليكم ورحمه الله وبركاته


=وعليكم السلام ورحمه الله

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 790 * 312 و حجم 42KB.





انتظرونا فى الحلقة القادمة


بعنوان


انت مين؟؟!!












التوقيع

▓▒◄√√ حمــلة هنتغيــر بجــد √√ ►▒▓
=-=-= قــراءن يتلـى 24 ساعــة =-=-=



آخر تعديل عمرو الشاعر يوم 10-09-2009 في 01:34 AM.


عمرو الشاعر
مشاهدة ملفه الشخصي
إرسال رسالة خاصة إلى عمرو الشاعر
البحث عن المشاركات التي كتبها عمرو الشاعر

10-09-2009, 01:32 AM رقم المشاركة : 320
عمرو الشاعر




















الحلقة ال 25 (انت مين ؟)

--------------------------------------------------------------------------------


الحلقة ال 25
(انت مين ؟)



+السلام عليكم ورحمه الله وبركاته


=وعليكم السلام ورحمه الله


+كمّل السلام
انت خسران حاجه !!


=ماشى...وعليكم السلام ورحمه الله وبركاته


+ايه اخبارك ؟


=بخير والحمد لله
اه فكرتنى
ايه بقى
العنوان الغريب ده
(انت مين ؟)
يعنى انت لحد دلوقتى متعرفش انا مين
انا كائن حى
عرفت ولا لسه ؟؟


+تسمح لى اتكلم


=طبعا اتفضل


+ماشى
تعرف الحديث اللى حبيبنا النبى قاله
اللى بيقول فيه
(رحم الله امرء عرف قدر نفسه )


=اه عارفه


+الحديث ده معظمنا
بيستخدمه غلط
وده سبب فى تأخرنا وان احنا بقينا ورا


=يا سلام بجد
بأه هو ده الحديث اللى مخلينا ورا
ازاى بأه يا سيدى ؟


+بص الحديث ده ديما نستخدمه لما نلاقى حد شايف نفسه حبتين
ومغرور شويه بنقول له


= صح


+وبكده اصبح استخدمنا ليه
بيقتصر على كده


= مظبوط


+لكن ده مش هدف الحديث
النبى لما قال الحديث ده
قاله علشان كل واحد يدور فى نفسه ويعرف هو مين


=ممكن توضح اكتر ..


+ماشى
هضرب لك مثال
لما يكون الجهاز الكمبيوتر بتاعى
فى مشكله
ولما اسأل واحد يقول هاته وانا هظبطه
ولما يمسكه يبوظه اكتر
ولما امسك نفس الجها واسأل واحد
على مدى معرفته فى الكمبيوتر يقول
يعنى على قدى
طبعا انا من جوايا بحس
انه مالوش فيها
وبخلى الجهاز عندى بايظ
لكن لو طبقنا الحديث
النبى بيقول انك لازم تعترف بقدراتك
ربنا اعطى لك
مميزات معينه
لازم تستخدمها
ولو لم يعطيك
ميزه او نعمه معين
اكيد اعطى لك
ما يساويها
علشان كده لازم تعترف بقدراتك
وتقول انت تعرف ايه وما تعرفش ايه


=عندك حق
فعلا لازم اعرف انا مين
ولازم كل واحد يعرف هو مين



+وعلى فكره
ربنا حبيبنا عز وجل من اسمائه
العدل
ولو طبقنا الاسم ده على الموقف اللى احنا بنتكلم عنه
هنلاقى ان ربنا بيساوى بين كل البشر



=طيب انا عارف
بس فى حته انا مش فاهمها


+اتفضل قولها


=معلش يعنى فى مثلا واحد صحبى
لاعيب جدا فى الكوره موهوب يعنى
على العكس خالص منى
ماليش فيها


+بص لو افترضنا ان كل الناس
ليها فى الكوره وليها فى كل حاجه
اذن احنا ليه هنحتاج بعض
يعنى
انت مثلا ليك فى الكوره
وفى الموبيلات
وفى اعمال البناء
وانا زيك بالظبط
يبقى انا ايه لزمتى لما حاجه تبوظ عندك
طالما انت هتصلحها
يعنى من الاخر
الدنيا هتوقف
لان كل واحد عايش لوحده
لكن بص كده هتلاقى صحبك لاعيب كوره بس فى حاجه معينه مش عنده
يعنى بالبلدى مالوش فى حاجه ما
لكن انت مالكش فى الكوره
بس ليك فى الحاجه اللى هو مالوش فيها
يعنى الحياه موزونه
واوضحها اكتر
انت عندك (س)
بس معندكش (ص)
وصاحبك عنده (ص)
بس معندوش (س)
اذن انت هتحتاجه علشان تاخد منه
ال(ص)
وهو هيحتاجك علشان ياخد منك
ال(س)
يعنى موزونه جدا


= تصدق انا كنت متلغبط اوى فى الحته دى وبجد هحاول بكل جهد انى
اعترف بقدراتى
وافهم نفسى صح





+يلا نستأذن احنا بقى


=ماشى فى امان الله
يلا بقى نقول
سبحانك اللهم وبحمدك
نشهد ان لا اله الا انت
نستغفرك ونتوب اليك

والسلام عليكم ورحمه الله وبركاته


+وعليكم السلام ورحمه الله وبركاته

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 550 * 662 و حجم 112KB.

[b]
تابع الحلقة ال 26

رمضان هيغيرنـــا

(اوكازيون ؟)

+السلام عليكم ورحمه الله وبركاته

=وعليكم السلام ورحمه الله وبركاته

+احوالك عامله ايه ؟

=تمام بخير

+والحياه معاك عامله ايه ؟

=ماشيه بس مش اوى

+طيب فرصه علشان نشتغل صح

=ازاى ؟

+يعنى مش عاوزين ننسى رمضان السنه دى خالص
من حياتنا

=..
.!!!

+من غير ماتسأل
هقولك ازاى
لما يكون فى حاجه معينه مش عارف تعملها
يعنى مثلا
واحد بيشرب سجاير ومش قادر يبطل
واحد مدمن للعاده السيئه
واحد مش قادر يبطل اغانى
واحد الناس بتكرهه جدا
واحد مش قادره تتحجب صح
كل حاجه كل حاجه
هنتكلم عنها
ولما نبطل ونقف عن الشئ ده
السنه كلها والعمر كله
هنفتكر رمضان السنه دى
ان بسببه بطلت كذا وكذا
وبدأ اعمل كذا وكذا

=يعنى ممكن بجد نعمل كل ده

+طبعا ممكن نبطل كلنا
ولكن هل انت عاوز تبطل ؟

=طبعا ...

+جميل جدا
وكل بيقول الخطوه الاولى هى الصعبه
وان شاء الله علشان كلنا هنشتغل مع بعض
وكمان رمضان هيساعدنا بعد ربنا

=طيب بسرعه هنبدأ امتى ؟؟

+احن......

=لسه هنستنى لرمضان
كتييييير اوى

+استن......

=طيب نبدأ دلوقتى

+(انا حطيت ايدى على فم صاحبنا )

عاوز اتكلم

=اتفضل ...

+ده انت كائن غريب
لوك لوك اقفل التسجيل ده شويه
ودانى وجعتنى


=خلاص ماتزعلش
بس انا فرحان اوى لانى مش مصدق انى ممكن ابطل
المعاصى دى كلها

+طيب ايه رأيك نبدئ دلوقتى

=ياريت

+يعنى مستعد

=طبعا بس معلش عندى سؤال صغنن

+اتفضل

=ليه اخترنا رمضان بالذات ؟؟

+لان تفرق لما تروح تشترى حاجه بذاتها وتمشى
عن لما تشترى حاجه عليها هديه زياده 10 % لاقل واحد
عن لما تشترى حاجه عليها اوكازيون الضعف او اكتر بكتييير

=مش فاهم

+بص العرض الاول مش عندنا فى الاسلام
بتاع ابو جنيه بجنيه
لاء فى الاسلام
اقل حاجه لما تدفع جنيه واحد هتاخد 10 جنيه فورا
وده على طول
لكن فى رمضان هتدفع جنيه
هتاخد 70 جنيه على طول
ده اقل حاجه

=يااااااااااااا اه بجد

+طبعا بجد
رمضان اوكازيون
جامد
حبيبك النبى قال (رمضان سوق قام ثم انفض )
يعنى رمضان سوق هيقوم وهيخلص
بس ياترى مين اللى هيكسب

=ان شاء الله نكون كسبانين

+يارب بس الاهم اننا نتعب شويه صغيرين
ونعترف بكل عيوبنا
ومش هنتغير غير لما كل واحد
يقول اللى جواه بصراحه

= طيب معلش كنا عاوزين نخرج مع بعض
ندردش شويه علشان بجد انا محتاج اتكلم معاك

+طبعا موافق

=ربنا يخليك بس ياريت فى اقرب وقت

+طيب ايه رأيك
نخرج نتمشى شويه على البحر
ونتكلم

=ماشى

+طيب يلا دلوقتى بس عاوزك بالليل
تقول كل اللى عندك
علشان رمضان نستعد له من دلوقتى

=ماشى انا هقعد مع نفسى
علشان اعرف هنقول ايه

+لاء اوعى عاوزك تتكلم بتلقائيه
تقول اللى فى قلبك
مش عاوز تجهيز

=ماشى

+السلام عليكم ورحمه الله وبركاته

=وعليكم السلام ورحمه

[b]
الحلقة ال 27


( بصراحه)


__تنويه__
حاولنا بقدر الامكان اننا نخلى صاحبنا يعمل كل الذنوب المتعلقه بالشباب علشان نعرف نتعامل مع كل الناس وبالنسبه للمشكلات الخاصه بالبنات فى حلقه مخصوصه وفى بعض الذنوب والطرق حدثت بالفعل مع بعض اصدقائى علشان كده الحلقه دى هديه ليهم ولكل واحد عاوز يتغير بجد
===================================
"انا بكلم صاحبنا على الموبيل علشان نتفق هنتقابل فين وكده "



+السلام عليكم

ازيك ياباشا ؟






=الحمد لله بخير

وانت ايه اخبارك ؟






+الحمد لله بخير

ايه مش هتخرج النهارده






=يلا ده انا مستنى اتصالك

انت فاضى دلوقتى






+انا مفضّى نفسى علشانك




=طيب يلا بينا دلوقتى




+يلا بينا

5 دقايق وتلاقينى تحت بيتك






=لاء طبعا

انت اللى تجى ليا ازاى

ماينفعش ؟






+ليه فيها ايه يعنى ؟




=فيها كتير ..ماينفعش وخلاص

ازاى انت تيجى






+انت عندك مشكله !!




=لاء بس الاحترام يقول انا


اللى اجى لك






+الاحترام على عينى وراسى

بس كلنا بشر

مفيش فرق بيننا
كلنا عباد لله
انا جاى لك






=ماشى مستنيك





"المهم اتقابلنا وطلعنا على البحر نتمشى


ووصلنا ووكنا رايحين نقعد فى كافيتريا

لكن صاحبنا رفض علشان عاوزنا نتعزل
عن العالم علشان نتكلم برحتنا ورحنا قعدنا على صخره قدّام البحر "







+يلا يا سيدى

عاوزك تطلع كل اللى عندك






= بس ممكن طلب




+اتفضل




=انا هتكلم بصراحه جدا

بس مش عاوزك تتكلم

الا لما اخلّص






+ماشى يا سيدى

اتفضل

وعاوزك تعيش
محدش سامعنا خالص
وعاوز تطلع كل اللى جواك






=بص يا سيدى


انا بقى

يوم قريب من ربنا
وشهر بعيد تماما عن ربنا
وطبعا طالما انا بعيد
الشيطان ربنا يلعنه
بيستلمنى
وبيخلينى ابعد اكتر
واعمل كل الذنوب اللى ممكن تتخيلها
عملت ذنوب محدش عملها
كنت بأخترع ذنوب ومعاصى
لانى زهقت من الذنوب التقليديه
عملت كل حاجه






+زى ايه ؟




=دخلت واتفرجت على مواقع اباحيه


ويمكن كل المواقع تقريبا

لحد ما ادمنتها
وادمنت العاده السريه
لدرجه انى كنت بعملها
فى اليوم الواحد اكتر من مره
مش بغض بصرى خالص
شربت سجاير ومشيت مع بنات
وكنت بسلّم عليهم جدا
وكنت بتعمّد اشترى بنطلونات معينه
علشان اسقطّها
ولبست حظّاظه
وسلسله
وادمنت سماع الاغانى
كلها لكل الناس
حتى الاغانى الدينيه
قلت كل الالفاظ الزباله
وكنت بجيب فى سيره اصحابى فى غيابهم
وكنت مغرور بنفسى اوى
ومش بسمع كلام
ابويا وامى
مطنشهم خالص
وكان بيعدّى عليا ايام
مش بركع فيها
ورغم كل ده ربنا بيسترنى
ومش بيفضحنى
ياااااااااااااااااااااااااااااه
بجد
مش عارف
اعمل ايه
بجد
مخنووووووووووووووووووووق جامد
حاسس ان الشيطان ربنا يلعنه
مكتفنى جدا مش قادر اتحرّك
كذا مره
اقول هصلى وهبقى راجل
وبفشل
كذا مره اقول لربنا
يارب سامحنى مش هعمل كده تانى
واوعده بس كما كنت ارجع اكتر من الاول
بجد اتخنقت مش عارف اعمل ايه
حاسس ان الدنيا اسودت فى وشى





"يقطع الحديث بكاء صاحبنا "





+اهدا كده ووحد الله




=لا اله الا الله


مش عارف بجد عاوز ارجع

بس هل هيقبلنى
ولا هيقولى انت جيت ليه وبرفضنى
بجد خايف اوى






+طيب انت دلوقتى قلت مين انت

سؤال بقى

مين ربك ؟






=هو الغفور الرحيم العزيز




+انا عارف وانت عارف

بس هل انت حاسس






="صاحبنا يبكى "




+تعرف ان ربنا اسمه

المؤمن






=عارف




+طيب يعنى ايه ؟




=مش عارف بصراحه




+المؤمن يعنى اللى ديما عارف احنا مين

مش مهم الدموع لما تتوب

المهم انك عاوز تتوب بجد
عاوز ترجع
عرفت غلطتك
عرفت انت مين قدامه
عرفت انه ممكن يسحب منك اى نعمه
على الاقل لانك استخدمتها غلط
وسعتها لو عملت ايه
خلاص ممكن يسحب منك حياتك
وساعتها اعمل اللى انت عاوزه
لو عملت ايه خلاص
كل شئ انتهى
للاسف احنا لحد دلوقتى
لسه مش عارفين ربنا كويس
مش عارفين يعنى ايه
الغفووووووووووووور
يااااااه لو نحس على دمنا
يااااه لو نعرف معنى التواب
ليه مش التائب
لانه كان هيتوب عليك
بس لو عملت نفس المعصيه تانى
خلاص
مش هيتوب عليك لانه تاب عليك مره وخلاص
وانت مصمم
على فكره بص انت عملت ايه
ورغم كل ده
ربنا بيحبك






=ايه !!!

بيحب مين ...مستحيل بعد كل ده يحبنى






+بيحبك ..




=صعب دلوقتى صدقنى




+بص لو والدك زعق لك علشان عملت حاجه غلط

هل معنى كده انه مش بيحبك






=لاء طبعا بيحبنى بس هو زعلان منى شويه

علشان عاوز لى الخير






+طيب ربك حبيبك بيحبك بس زعلان منك شويتين

علشان عاوز لك الخير كله






= وانا والله بحبه اوى




+ وهو بحبك اكتر بيقولك عيش حياتك صح

واضمن اخرتك

بيقولك الدين سهل
تصدق ممكن وانت نايم تاخد ثواب
وانت بتلعب تاخد ثواب
بس من جواك خلى نيتك خير
علشان تريح نفسك شويه وتفوق تكمل يوم الطاعه
بانك رايح تلعب كوره وتقعد على الكمبيوتر
صدقنى افهم حياتك صح مره
حياتك كلها هتتغير






=نفسى بس مش عارف




+ليه ...مش صعبه




=طيب ازاى ؟




+شايف كل الحاجات اللى انت عملتها

كلها

تخيل معايا
كل ده اتمسح من حياتك
وكمان ذنوبها اتمسحت
وكمان تخبل كده
انت بتلعب كوره
ولما الحكم يظلمك فى كوره تعذره
بأنه ما اخدش باله ومش قصده
وتبتسم فى وشه ولما الصلاه تأذن
تسيب الكوره وتروح تصلى
وترجع تكمل كوره ولما تروح تاخد دش
بنيه النظافه من الايمان وان الله جميل يحب الجمال
وتدخل تريح لك شويه
بنيه انك تريح جسمك من التعب علشان تعرف تكمل يومك وتصلى بقلب وخشوع
مش تبقى عاوز تنام
ولما مامتك تجى تصحيك
تصحى وتبتسم فى وشها بنيه بر الوالدين وكمان
نيه ان الابتسامه صدقه
وتدلعها وتقول لها حاضر يا جميل وايه القمر ده
وكتير عليا اصحى من النوم على الحلاوه دى
وتقوم تقعد على الكمبيوتر شويه بنيه الاتصال بالعالم
لان ربنا قال وجعلناكم شعوب وقبائل لتعارفوا
بس طبعا مش مع البنات
اه فى حدود وكمان تشوف اخبار العالم وتدخل على المنتديات
وتحط مواضيع علشان تفيد الناس
واثناء جلوسك
بتسمع اناشيد او قرآن او حتى اغانى هادفه دينيه
ولما الاذان يأذن تقوم وتسيب الكمبيوتر
وتروح تصلى واثنا ما انت ماشى تقول لكام واحد السلام عليكم
يلا 60 حسنه وراسم ابتسامه حلوه
زى ماقلنا ابتسامه بصدقه
وترجع تلاقى ماتش تتفرج عليه
وتتفاعل معاه وتهزر وتضحك
وتهزر شويه مع اخواتك ومع اصحابك وتخرج






=ياااااااااااااه لو اعيش يوم واحد بس كده




+طيب ايه رأيك لو تعيش كل حياتك كده




=.ياريت نفسى ايدى على ايدك




+طيب يلا بينا نبدأ




=يلا بينا









انتظرونا فى الحلقة القااادمة بعنوان



غض بصرك

[b]
تابع الحلقة 27


+ نكمل يا بطل




= ماشى




+ بص بقى هنتكلم دلوقتى عن
حاجه منتشره جدا بيننا
وحاجه وحشه اوى



= هى ايه ؟؟




+هى عدم غض البصر



=ياااااااااااااه
نفسى ابطلها
بجد حاجه وحشه اوى




+بعون الله هنبطل



=يارب




+الاول كده تعرف الدين قال ايه عن غض البصر



=...




+ربنا حبيبنا بيقول
(قل للمؤمنين يغضوا من ابصارهم )
و
(قل للمؤمنات يغضضن من ابصارهم )



=صدق الله العظيم




+ركز تانى فى الايه
ربنا قال
(قل للمؤمنين يغضوا )
كنا عاوزين نتكلم ان الاوامر فى الدين
اما تكون امر واجب يعنى لازم تعمله
ولو معملتهوش حتاخد بسببه ذنوب
زى الصلاه
وده بنعرفها لما يكون اسلوب امر مباشر
او تكون تحبيب وترغيب يعنى لو عملتها ليك ثواب جامد
لكن لو معملتهاش مش هتاخد ذنوب
زى مثلا الابتسامه
لان
(الابتسامه فى وجه اخيك صدقه )
وبكده حبيبك النبى صلى الله عليه وسلم
بيشجعك عليها
ودى مش بتكون امر صريح
ولكن زى عرض الخير وعرض ثوابه العظيم
علشان الناس تعمله



=جميل اوى




+انت اجمل



=بتكثف ...




+ماثى يا مكثوف
ايووه لسانى اتعوج اعدل لسانك بأه



=ماثى ..احم احم ..ماشى




+نرجع للايه تانى
الايه بتقول
(قل للمؤمنين يغضوا )
لو انت جدع بأه تقول
الايه دى اى نوع من اللى قلنا عليه ؟



=النوع الاول
الامر الصريح اللى واجب علينا نعمله




+برافو حلو اوى
اذن غض البصر مش جدعنه مننا نعمله
لاء
لازم نعمله والا سعرنا هيقل يوم القيامه



=يعنى ايه سعرنا يقل ؟




+بص ربنا خلق كائنات كتيير
انسان اسماك اسود نمل نبات
ولكن مين افضل واحد فى التكريم
يعنى ربنا كرّمه
على الكل ؟



=الانسان




+طيب معنى كده اننا غاليين
مش كائنات عاديه
وحبيبك النبى قال
(الا ان سلعه الله غاليه
الا ان سلعه الله هى الجنه )
اذن الجنه غاليه
علشان كده الغالى للغالى
دى القاعده الاساسيه
متجيش بقى تغير القاعده دى
وتقول الرخيص للغالى
والرخيص اللى هى النار
والغالى انت
والجنه مش هتدخلها الا لما تسمع كلام ربنا
وساعتها هتطبق القاعده الغالى للغالى
لكن
لما ماتسمعش كلام ربنا
هيبقى
الغالى رخيص
يعنى ثمنك هيقل
سعرك هيقل
ولما سعرك يقل
مش ليك الا الرخيص اللى هى النار





=انا فهمت و كمان علشان كده
ربنا بيسامحنا علشان سعرنا يعلى تانى




+بالظبط بس ماتعملش
الذنوب وتقول مهما اعمل ربنا هيغفر لى



=نعم !!!
ازاى بقى




+شوفت بقى اننا فاهمين الدين غلط
بص يا بطل
حبيبنا سبحانه قال
(يغفر لمن يشاء و
يعذب من يشاء )



=طيب وانا امتى ربنا هيغفرلى ؟؟




+ربنا اسمه الغفور



=ماتجننيش بقى يعنى هيغفر لى
ولا مش هيغفر لى




+ افهم

هقولك مثال
ولله المثل الاعلى
لما انا اقولك ماتعملش كده علشان ده غلط
ولما تجى تعملها واثناء ما انت بتغلط
افكرك خلى بالك كده غلط
وبرده بتغلط
يبقى كده انت بتستهبل
علشان كده
لازم اهددك علشان تفوق شويه
اقولك خلى بالك
لما تغلط ممكن اسامحك وممكن لاء
يبقى دى هتوقف من اخطائك كتيير
ولله المثل الاعلى
لما تحط الايه ديما قدامك وانت بتعصى
هتفتكر وتمسك نفسك حتى لو غصب عنك
بس هتحاول جامد
غير لما اقولك مهما تعمل هسمحك
ومفيش اى قيود عليك





=صح يعنى كل لما اجى اعصى
افتكر وهقف و همسك نفسى فعلا
ربنا ده عظيم اوى مينفعش يساوى بين كل الناس
فعلا حاجه زى دى تخلينا نمسك نفسنا جامد
لان لما اجى اعمل ممكن يغفر لى
وممكن مايغفرليش وساعتها هتبقى مصيبه
لان ممكن يكون الذنب فى نظرى صغير بس
عند ربنا كبيير اوى ولما اعرف يوم القيامه
مفيش ولا استغفار ولا غيره
بالظبط لازم نحط الايه دى ديما قدامنا
بس معلش ساعات بعمل ذنب وانا ناسى



+طبعا احنا قايلين
ان ربنا حبيبنا
وهيزيد حبنا ليه دلوقتى



= ليه ؟؟




+بص حبيبك النبى قال
بس صلى عليه الاول



= صلى الله عليه وسلم




+قال (رفع عن امتى السهو و النسيان و مااستكرهوا عليه )
وناخدها واحده واحده
السهو لما تكون بتعمل حاجه
وانت مش واخد بالك
بس انت عارف انها غلط
ولكن تقدر تقول سرحان فى حاجه تانيه
زى لما تكون بتصلى وتسرح وتزود ركعه
مش بتشيل وزر سهوك
بس مش معنى كده انك
هتاخد اجر الصلاه كامل
لانك فى
الاصل سرحت وكان ناتج عليه
انك سهوت وانت بتصلى
والنسيان لما تكون بتعمل حاجه
وانت ناسى خالص انها غلط
زى مثلا
لما تكون انت صائم وتشرب مياه
وانت ناسى طبعا اول ماتفتكر بتقف عن الشرب
وتكمل صيامك بس اول ما تفتكر
وكده انت لم تأخد وزر او ذنب
لانك ناسيت
والانسان اتسمى انسان علشان
كذا حاجه
منها انه بينسى
والحاجه التالته ما استكرهوا عليه
يعنى الحاجه اللى بتعملها غصب عنك
بس انت من جواك مش راضى على العمل ده
نكمل بقى الايه بتاعتنا





= آيه ايه ؟!




+(قل للمؤمنين يغضوا من ابصارهم )




= ياااااااااااااااه انت لسه فاكر





+اه نكمل يا استاذ
لو بصيت للآيه هتلاقى
(قل للمؤمنين يغضوا )
مش
يغمضوا




=طب وايه الفرق ؟





+الفرق كبير اوى
يغمض يعنى يغمض عينه خالص
عن كل الاهداف
عن كل حاجه
لكن يغض يعنى يحجب الرؤيه عن حاجه معينه
يعنى لما اقولك غض بصرك
مش معناها غمض عينك
ولكن ماتبصش على الحاجه الفلانيه
ولكن ممكن تبص على حاجه تانيه
وعلشان تعرف ربنا اد ايه حاسس بينا
لم يقل
( قل للمؤمنين يغضوا ابصارهم )
ولكن قال
(قل للمؤمنين يغضوا من ابصارهم )
وخلى بالك من كلمه
" من "
يعنى غض الجزء مش الكل





=مش فاهم




+يعنى مثلا انت ماشى فى طريق
وشوفت بنت ماشيه
ربنا بيقول لك
بص فى اى حته فى اى مكان بس البنت
دى بس لاء
لكن اى حته تانيه براحتك





=آه فهمت يعنى لما اشوف بنت ابص فى حته تانيه




+الله ينور ومعلش
طبعا فى كل حاجه فيها موضه
صح ؟؟



= مظبوط




+ طيب احنا كمان عندنا
موضه فى غض البصر




=هى ايه؟؟؟؟



+ديما ومعظم الناس
اللى بتغض بصرها
الشارع كله بيعرف انهم بيغضو بصرهم



=اه صح
تلاقيهم يبصوا فى حته تانيه خالص
يلفت وشه بالكامل فى حته تانيه




+ايون بالظبط
ولكن علشان نغض بصرنا كفايه ربنا بس يعرف
وربنا قال
(ابصارهم )
ولم يقل
(وجوههم)
يعنى كفايه نظرك بس
مش لازم تلف راسك كلها






=طيب وايه الموضه فى غض البصر






+بص لازم تكون كاجوال فى كل حاجه
حتى فى غض البصر
يعنى مثلا انا ماشى وقدامى بنت ماشيه


بص فى الساعه
او
طلع الموبيل اقرا الرسايل
او
شوف الميسد كوول
المكالمات الفائته يعنى
ولو مفيش معاك موبيل
هتلاقى فى عربيه راكنه على جنب
اوماشيه
بص على لوحه الارقام
واحفظ الارقام بتاعه العربيه
او
لو فى محل على جنب
بص فى المحل شوف فيه ايه
واحفظ الاسعار بتاعه المعروضات
او
عاوزك تعد كام دور فى العماره اللى جنبك






= ياجامد على الكاجواله ...
هى دى الكاجواله ولا بلاش
فعلا احتراف الطاعه





+جميل اوى اوى انك تطيع ربنا
بس الاجمل ازاى هتطيع ربنا



=فعلا




+ وطبعا الكلام ده على اخوتنا البنات




= طبعا ...
وربنا ياخد البنات اللى بتلبس ضيق دول
هيودونا فى داهيه





+لاء ماتدعيش على حد



= اسكت يا سيدى هنضيع بسببهم




+ماشى يبقى ادعى لهم بالهدايه
ادعى لهم ان ربنا يهديهم
لاننا المفروض نكره الغلط ذاته
ومانكرهش الغلطان
كان ممكن تبقى انت مكانه
تكون فى التوبه طمعان
وعاوز تتوب
او تكون تايه ومفيش حد
قالك الصح طريقه ازاى
يبقى لازم ندعى لهم مش ندعى عليهم





= عندك حق ربنا يهديهم
ويدلهم على الطريق الصح





+بص بقى ليه نغض بصرنا ؟



=اه صح ..ليه ؟




+

بص لو كملت الايه

(قل للمؤمنين يغضوا من ابصارهم ويحفظوا فروجهم)
ركز على الترتيب بتاع الايه



= اه ..الاول يغضوا من ابصارهم
التانيه يحفظوا فروجهم




+عارف ليه ؟



=اممممممممم.... ليه ؟




+لانك مثلا لو عكستها
هتبقى قل للمؤمنين يحفظوا فروجهم
ويغضوا من ابصرهم
هتبقى ايه لزمه غض البصر
طالما انا حافظت على نفسى



=مش فاهم




+بص

يعنى ايه يحفظوا فروجههم؟





= يعنى
لا يزنى






+وايه تانى ؟



=بس




+لاء فى حاجات كتيير منها
الزنا
والعاده السريه
و..و..



"اعذرونى لعدم ذكر الباقى لان هناك
بنات و اولاد سنهم صغير على الكلام ده"



=اه




+ واستحاله تعمل ده سواء الزنا او العاده السريه
هتبدأ بالتدريج
واول خطوه فى الطريق ده
هى النظر
يبقى ربنا بيحذرك من
الخطوه الاولى الاول
وهى النظر
بعد كده الحاجه الكبيره
وهى عدم حفظ الفرج



=ممكن توضيح اكتر




+ماشى بص ربنا قال ايه تانى
(ولا تقربوا الزنا )
وربنا وحبيبنا
لم يقل
(ولا تزنوا )




=اه ..يعنى ما اقربش من المعصيه اساسا






+مظبوط ..بس ازاى بقى هتقرب لها ؟؟



=بالنظر
اللى هى التدريج للزنا




+ايون
الله عليك وربنا يبارك فيك



=اى خودعه
الحمد لله على كل شئ




+عرفت ليه بقى ربنا امرنا بغض البصر
و لم يخيرنا بين غض او عدم غض البصر



=اه ...فهمت




+نبص بقى دلوقتى على حاجه تانيه
وهى الزنا
اللى هى المصيبه الاكبر



=ماشى




+الاول ...ايه هو الزنا ؟



=لما راجل يجامع امرأه




+وايه تانى



=والبص على حاجه حرام




+وايه تانى ؟



= هو فى تانى !!!
لاء ما اعرفش





+ ماشى بص اللسان بيزنى
لما يشتم حد
او لما يجيب فى سيره حد بحاجه وحشه
او لما يحلف كذب
او لما يسب الدين
ومن نعمه ربنا علينا
حبيبنا قال
(ومايلفظ من قول الا لديه رقيب عتيد)





= طيب وفيها ايه
هنتحاسب على كل كلمه




+لاء يا فالح غلط



=امال ايه ؟




+ بص

رقيب وعتيد دول ملكان
واقفين لك على الوحده
يعنى مش هيفوتوا اى حاجه تقولها





= عارف




+وربنا قال
(وما يلفظ من قول )
ولم يقل
(وما يلفظ من لفظ )
يعنى
هتتحاسب بالجمله كلها
بالقول كله



=مش فاهم ..ياريت توضح ؟




+يعنى مثلا
انا بقولك
ربنا يهديك
من خلال طريقه كلامى
ربنا هيحاسبى
يعنى ممكن اقولها لك بنيه الدعاء لك
وبكده الملائكه هتدعى لى
وممكن اقولها لك بإسلوب التريقه
وبكده هشيل بيها ذنوب
وبرضه ربنا مش بيحاسب باللفظ فى ذاته
لان لو قلت
ربنا
ممكن اكمل بالدعاء لك
او اكمل بالدعاء عليك
او لى لفظ تانى
وفى كمان
زنى اليد لما تسرق حاجه
او تاخد رشوه
او حتى تضرب حد



= ازاى بقى اذا كان
ربنا قال
(واضربوهن )
يبقى فى ضرب




+طيب ما تكمل الايه



= مش فاكرها بس لو هما عملوا غلط




+هما مين دول ؟



= زوجتى او زوجاتى




+طيب وكمان افكرك بحاجه
حبيبك النبى قال
(علموا اوالدكم الصلاه لسبع واضربوهن لعشر )



= اه صح انت فكرتنى
دى كمان واحده
وكمان النبى قال
(من رأى منكم منكرا فليغيره بيده
فان لم يستطع فبلسانه
فان لم يستطع فبقلبه )




+افهم دينك صح
انت عندك فى اخر حديث
امتى استخدم كل واحده



= لما اللى قبلها تفشل




+لاء غلط



= امال ايه ؟




+لما تكون اللى قبلها مش مكانها





= ازاى ؟




+يعنى كل واحده من الثلاثه ليها مكانها
يعنى الاولى اللى هى هتغير بأيدك
مين اللى قال انها ضرب وبس



=نعم !!!امال ايه ؟؟




+بص اتنين بيتخانقوا دلوقتى
هتعمل ايه ؟



= هسلك بينهم




+طيب ما انت استخدمت ايدك يا فالح



= اه صح




+وخلى بالك ده وقتها

يعنى ماينفعش تقف من بعيد
وتقولهم اسكتوا يا جماعه
لانك كده بتهرتل
وممكن تنرفز اللى بيتعارك ويجى يضربك انت
و
صاحبك مثلا بيشرب سجاره
علشان انت خايف عليه
هتمد ايدك تاخد السيجارة من بُقه
وترميها على الارض
بس طبعا بأسلوب كويس وبلاش تزعق له
لاء ممكن وانت بتسحبها
تبتسم فى وجهه وتقول
مش دى اللى هتوديك النار
او تبتسم وتقول
علشان خايف عليك
و
مثلا لو بتتفرج على التلفزيون
وشوفت منظر مش كويس
هتعمل ايه ؟





= هغير المحطه




+يعنى استعملت ايدك



= اممممممممم




+ولو افترضنا
الضرب زى ما انت بتقول
يبقى الضرب محصور فقط
فى اللى بتملك عليهم سلطه



= زى مين؟




+ زى زوجتك واولادك فقط
وكمان بشروط



=ايه هى ؟




+بلاش غباء فى الضرب
يعنى تضرب بأسلوب وسط
مش جامد اوى اللى هو الضرب المبرح
اللى ممكن يعلم فى الجسم
ومش بخفه اوى بحيث يكون اسلوب للهزار
وكمان مفيش ضرب على الوجه
يعنى ماتضربش حد بالقلم حتى لو هزار
وكمان يكون الضرب ده اخر وسيله للعقاب
يعنى قبلها يكون
اول مره
نصيحه
لو مانفعش
تهديد فقط
بحيث يخاف اللى قدامك
ولو مانفعش
تهديد وتنفيذ التهديد
زى مثلا تحرم ابنك من
انه يقعد على الكمبيوتر لانه بيحب كده
لو مانفعش
زوّد التهديد يعنى تحرمه من اكتر من حاجه
لو مانفعش
لابنك
يبقى بصراحه عيل رخم






=*********هه





+هنا بقى اضرب وبالشروط اللى قلنا عليها
لو مانفعش بقى
افتح البلكونه وارمى ابنك





=انت اللى قلت




+ايووووه عليك

يعنى انت سايب كل الحاجات
دى وماسك فى انك ترمى ابنك من البلكونه
واضح انك بتعشق ابنك جدا





=انا مش متجوز




+يعنى انا اللى متجوز

بس اوعى ترميه من البلكونه
ممكن من فوق السطح





= كده ماشى
لكن من البلكونه ممكن يتكسر




+على اساس من فوق السطح هيتجبس
انت غوريب جدا
نكمل يا غوريب
وطبعا الضرب قلنا على
اللى عليه سلطه منك
يعنى انت مسئول عنه يوم القيامه
و
مع اصحابك مفيش ضرب لانك
مش مسؤل عنه
ولكن انصحه مره واتنين
وشجعه على ترك الغلط
و
التالته اللى هى
تغيربقلبك
مثلا
انت شايف حاجه صعب تغيرها
لان لما تغيرها ممكن يحصل مشاكل
اكتر يبقى حط لسانك جوه بُقك واسكت
ولكن اهم حاجه ماتكونش من جواك راضى بكده
واكيد لما تغير بقلبك جسمك كمان هيتفاعل
مع عدم الرضا





=يعنى هضرب




+يابنى انت عاوز تعمل اى خناقه
عاوز تضرب وخلاص
لما
جسمك يتفاعل مع قلبك
هتحاول بكل الطرق انك حتى تمشى
وتسيب الشئ الغلط ده
وصدقنى لو كانت من قلبك بجد
هتسيب علامه فى الشخص
اللى بيغلط
و
كمان نوع من الزنى
هو
زنى القدم
لما تمشى فى حاجه حرام
يعنى من الاخر مثلا
خارج خروجه مش كويسه
ومن قبل ماتخرج عارف انك
هتعصى
رايح تأذى واحد
رايح تعمل مشكله مع حد
رايح تعمل معصيه ايا كانت
المعصيه





=كويس انك قلت على حكايه الخروج دى




+طيب كويس اوى اننا عرفنا
ولكن هل هنطبق ؟؟



=لاء بجد اقتنعت
وكده ان شاء الله هنطبق









يلا انت وهى


خلاص خلصنا


الحلقه دى يارب تكون


اثرت فينا


يلا كل احد يعاهد نفسه


انه يغض بصره


احم ...احم


انه يغض من بصره



كله يقول معايا



سبحانك اللهم وبحمدك
اشهد ان لا اله الا انت
استغفرك واتوب اليك



وبجد دى من احلى ما كتبت


بجد استمتعت بالحلقه دى





كتبها لكم / هنتغير بجد (( محمد عيد ))

[b]
أنا العبد الذي كسب الذنوبا





أنا العبد الذي كسب الذنوبا وصدته المعاصي أن يتوبا

أنا العبد الذي أضحى حزيناً على زلاته قلقاً كئيبا



أنا العبد الذي سطرت عليه صحائف لم يخف فيها الرقيبا

أنا العبد المسيء عصيت سراً فمالي الآن لا أبدي النحيبا

أنا العبد المفرط ضاع عمري فلم أرع الشبيبة والمشيبا



أنا العبد الغريق بلج بحرٍ أصيح لربما ألقى مجيبا

أنا العبد السقيم من الخطايا وقد أقبلت ألتمس الطبيبا

أنا العبد المخلف عن أناسٍ حووا من كل معروفٍ نصيبا

أنا العبد الشرير ظلمت نفسي وقد وافيت بابكم منيبا





فوا أسفي على عمرٍ تقضى ولم أكسب به إلا الذنوبا



وأحذر أن يعاجلني مماتٌ يحير لهول مصرعه اللبيبا

ويا حزناه من نشري ليومٍ يجعل الولدان شيبا

تفطرت السماء به ومارت وأصبحت الجبال به كثيبا

إذا ما قمت حيراناً ظميا حسير الطرف عرياناً سليبا


ويا خجلاه من قبح اكتسابي إذا ما أبدت الصحف العيوبا


وذلة موقفٍ لحساب عدلٍ أكون به على نفسي حسيبا

ويا حذراه من نار تلظى إذا زفرت فأقلعت القلوبا


تكاد إذا بدت تنشق غيظاً على من كان معتدياً مريبا


فيا من مدّ في كسب الخطايا خطاه أما بدا لك أن تتوبا

ألا فاقلع وتب واجتهد فإنا رأينا كل مجتهدٍ مصيبا



وأقبِل صادقاً في العزم واقصد جناباً ناضراً عطراً رحيبا

وكن للصالحين أخاً وخلاً وكن في هذه الدنيا غريبا


وكن عن كل فاحشةٍ جباناً وكن في الخير مقداماً نجيبا


ولاحظ زينة الدنيا ببغضٍ تكن عبداً إلى المولى حبيبا

فمن يخبر زخارفها يجدها مخادعةً لطالبها حلوبا


وغض عن المحارم منك طرفاً طموحاً يفتن الرجل الأريبا


فخائنة العين كأسد غاب إذا ما أهملت وثبت وثوبا



ومن يغضض فضول الطرف عنها يجد في قلبه روحاً وطيبا


ولا تطلق لسانك في كلامٍ يجر عليك أحقاداً وحوبا


ولا يبرح لسانك كل وقتٍ بذكر الله ريّاناً رطيبا

وصل إذا الدجى أرخى سدولاً ولا تكن للظّلام به هيوبا


تجد أجرأ إذا أدخلت قبراً فقدت به المعاشر والنسيبا


وصم مهما استطعت تجده رياً إذا ما قمت ظمآناً سغيبا

وكن متصدقاً سراُ وجهراً ولا تبخل وكن سمحاً وهوبا



تجد ما قدمته يداك ظلاً عليك إذا اشتكى الناس الكروبا


وكن حسن الخلائق ذا حياء طليق الوجه لا شكساً قطوبا

فيا مولاي جد بالعفو وارحم عبيداً لم يزل يشكي الذنوبا


وسامح هفوتي وأجب دعائي فإنك لم تزل أبداً مجيبا


وشفِّع فيّ خير الخلق طراً نبياً لم يزل أبداً حبيبا

هو الهادي المشفّع في البرايا وكان لهم رحيماً مستجيبا


عليه من المهمين كل وقتٍ صلاة تملأ الأكوان طيبا

[b]
الحلقة ال 28

ازاى نفهّم الدين صح !!

"على فكره معظم الحوار اللى هنقراه
دلوقتى حقيقى مع احد اصحابى "

" نكمّل "


= انت عارف
انا نفسى افهم الدين صح
بصراحه
هقولك على حاجه
بس بينى وبينك

+قول

=احيانا بحس بجد
ان الدين كئيب اوى
بحس ساعات
ان المفروض الدين ما يتدخلش فى كل حاجه
بحس ان الدين متخلف

"محدش يزعل من الكلام ده
انا سمعته بودانى من احد اصدقائى "

+عارف ليه ؟

=ليه ؟

+لانك بتحكم على الدين من خلال اى واحد

=ازاى ؟

+يعنى فى ناس بجد
خنيقه جدا
ناس رخمه بجد
واسمهم متدينين

=فعلا

+والحاجه التانيه
انك فاهم الدين غلط خالص

=مش عارف افهمه ازاى صح ...

+هقولك دلوقتى
والحاجه التالته
انك بتنقى حاجات وحاجات

=ازاى ؟

+يعنى بتاخد من الدين اللى يعجبك والباقى فكك

=ازاى يعنى ؟

+يعنى ربنا قالك الدين كله
هتطبقه
هتعيش بيه احلى حياه
واحلى اخره
وهى الجنه طبعا

=ربنا يرزقنا يارب

+يارب
بص بقى نمشى واحده واحده

=ياريت علشان نفسى بجد افهم الدين صح

+ماشى بص يا جميل
لازم نعرف ان الدين
مفيش حاجه خالص
تركها الا و اتكلم فيها

=خالص!!

+خالص كل حاجه الدين اتكلم فيها
اى حاجه ممكن تتخيلها
القرآن الكريم اتكلم عنها
ولازم برضه تعرف
ان الدين
نزل لكل زمن
ولكل الناس
حتى غير المسلمين
الاسلام كلمهم
وبكده يكون الاسلام
صالح لأى زمن

= لاء بقى ركّز فى الكلام
ازاى نزل لكل زمن

+هقولك كل حاجه
بص انا لسه قايل دلوقتى
ان الدين
صالح لاى زمن
وده لانه وضع اساس لأى حاجه ممكن تتخيلها
وكل زمن على حسب امكانياته
يقوم على الاسس دى

=معلش وضّح اكتر

+بص مثلا
سيدنا عمر قال
(علموا اولادكم السباحه والرمايه وركوب الخيّل )
والنبى صلى الله عليه وسلم
قال
(المؤمن القوى خيرواحب عند الله
من المؤمن الضعيف وفى كلٌ خير )
ده الاساس

=ازاى ؟؟

+بص على الحديث الشريف
لما النبى يقولك على طريق سهل
تكون عند ربنا افضل واحب
من غيرك
مع ان الاتنين كويسين
لان الحديث فى اخره
(وفى كلٌ خير )
يعنى الاتنين كويسين
ولكن القوى احسن من الضعيف
يعنى كده النبى صلى الله عليه
بيدعوك ان تقوى جسمك
ولم يحدد لك
ازاى تقوى جسمك
وكل واحد له طريقته
وتبص برضه على كلام سيدنا عمر
ليه اختار
(السباحه والرمايه وركوب الخيل )

= ......

+اقولك
لان دى الرياضه الموجوده فى عهده
والموجوده فى العالم كله
يبقى هو بيدعوك انك تواكب العالم
وتمشى معاه مادام الطريق ده مفيش فى شئ غلط

وبكده يكون اكد
ان الرياضه مطلوبه منك
مش جدعنه
وان كان تركها مش حرام
بس ضروريه

مثل تانى
لما النبى يقولك
(ان الله جميل يحب الجمال )
ويكون من احب الاشياء للنبى فى الدنيا
هى العطر
ويقولك فيما معناه
لو عندك شعر اهتم بيه وسرّحه
وده الاساس
يبقى لازم تكون كاجوال
وشيك على طول

وحاجه تالته
لما النبى يقولك
(لا تغضب )
ويقول
(الغضب من الشيطان )
وربنا سبحانه يقسم بالناس اللى بتمسك نفسها فى الغضب
ويقول سبحانه
(والكاظمين الغيظ والعافين عن الناس )
يعنى اكيد الناس دى ربنا بيحبها اوى اوى
علشان كده اقسم بيهم
ودليل على حب ربنا الكبير جدا
للناس دى
انت لما تحلف لازم تحلف بربنا
ومن حلف بغير الله فقد اشرك
لانك بتعظم ربنا جدا
يبقى اكيد ربنا بيحب الناس دى اوى وكمان
بيعظم الناس دى
وكمان النبى
يقولك ان الابتسامه صدقه
كمان يقول ان الله يكره المعبس فى وجه اخوانه
يكنى اللى ديما مكشر
وكمان النار تحرّم على كل
هين لين سهل
يعنى الانسان اللى ماشى حياته ببساطه
وبيهزر
مش واخد الحياه قفش اوى
اكي بعد كل الاسس دى
استحاله لما تتطبق الدين صح
استحاله تكشر
او تغضب
او حتى تتنرفز
ديما هتسامح
علشان تبقى من الكاظمين الغيظ
وديما هتكون مبتسم
وبكده الناس كلها هتحبك
لانك مش بتقف على الواحده
وبتسامح ومبتسم ديما
وكده على الدين كله
وعلى فكره ان شاء الله
هنعمل سلسله عن ازاى نفهم الدن صح
ونتكلم عن كل حاجه بعون الله

والحاجه التانيه
لازم تاخد الدين كله وتطبقه
مش اللى على مزاجك
يعنى مثلا تقول انا عاوز اعيش حياتى صح
وما تصليش
او اختنا تقول انا عاوزه اعيشها صح
وحجابها غلط
وصدقنى اللطعم الحقيقى والاصلى
لما تاخد الدين كله مره واحده
ده لو انت عاوز تعيش حياتك
بس تعيشها صح
مش تعيشها وخلاص
لان دى صفه من صفات اليهود
لان ربنا قال
(ولتجدنهّم احرص الناس على حياه )
مش هتفرق نوع الحياه
المهم انه يعيش وخلاص
ومش عاوز يموت

لكن احنا عاوزين نعيش حياتنا صح
وكمان نكون مستعدين فى اى لحظه للموت
لاننا مش بنعمل حاجه غلط
حياتنا كلها صح
وان شاء الله تكون اخرتنا صح

=ان شاء الله








انتظرونا
...

القادم اجمل

...

الحقات القادمــة بعنوان

(( رمضـــان علمنـــــــــــــى ))

[b]
الحلقة ال 28

رمضـــــــان علمنــــــــــــــــى

(رمضان علمنى اسامح )

اسامح
كلمه غاليه اوى
ولكن ممكن تكون عندى وعندك صعبه
ولكن لما نعرف يعنى ايه الكلمه دى واجرها ايه
هتكون اكيد سهله جدا

بص الاول ربنا قال ايه
بسم الله الرحمن الرحيم
( ادفع بالتي هي أحسن
فإذا الذي بينك وبينه عداوة كأنه ولي حميم)
ياااااااااااااا ه
كل اللى هتعمله
هتعامل اى واحد بأسلوب كويس
واللى قدامك
لو كان عدو
هيتحول الى انتيم


وبرده حبيبنا النبى
قال
(رحم الله رجل سمحا
اذا باع واذا اشترى واذا اقتضى )
عارف يعنى ايه
رحم الله
اولا دى فى الماضى
يعنى رحمه ربنا وقعت بالفعل على الراجل ده
راجل بيسامح
لما يبيع
ولما يشترى ولما
يقتضى
وهى مبادله السلعه باخرى
يعنى لما تركب وسيله مواصلات
ويكون مفيش فكه
كبر دماغك
وقول للسواق
خلاص
مسامح
ماتقفش على النص جنيه
او حتى الجنيه
اعتبره ضاع منك
او حتى طلعته صدقه



والتسامح مايكونش بس
فى الفلوس
برده
فى التعامل
مع الغير

هقولك على قصه صحابى
النبى شهد له بالجنه
عارف ليه ؟؟!!
علشان قبل ما ينام يقول
يارب انا مسامح اى حد غلط فى حقى
وكان صحابى عادى جدا فى الصلاه والصوم
ولكن دى حته جامده اوى


و
غير كده
ربنا سبحانه
قال
( وليعفوا وليصفحوا ألا تحبون أن يغفر الله لكم )
ممكن تجاوب
هل انت عاوز ربنا يغفر لك ؟؟

طالما انت عاوز
خلاص
يبقى ماتقفش للناس على الواحده
وماتنساش
كلنا بنغلط
واكيد انت بتقع فى الغلطات دى وانت مش قصدك
يبقى تسامح علشان الناس تسامحك

واحب اختم بالايه دى
" وإن تعفوا وتصفحوا وتغفروا فإن الله غفور رحيم "
ايه رايك ؟؟
شفت الشرط
لما تعمل كده هتلاقى ربنا غفور رحيم
يبقى كلنا لازم نسامح
علشان نلاقى ربنا غفور رحيم




يلا بقى
لازم نبدأ فى التغيير
واكبر فرصه للتغيير
دلوقتى
كله يبدأ
ماتقفش للناس على الواحده
سامح
بلاش تخنق حد فى التعامل
عامل الناس بما تحب ان يعاملوك به



حلقتنــا انتهـــت

انتظرونا فى حلقة قادمة

ورمضان علمنى ...

تااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااابعونااااااااا
[b]

[b]الحلقة ال 29

رمضان علمنى ابطل كذب



كلمه وحشه جدا
ممكن يكون عكسها صعب شويه
لان الحقيقه والصدق ساعات
بيكون جارح
بس بيكون اريح بكتيير
وغير كده
الشخص الكداب
بيكون عنده نقص فى شخصيته
علشان كده بيحب يظهر
فى صوره وشخصيه تانيه بالكدب
وطبعا مش بقول كده لاننا مش بنكذب
ولكن بتفرق انا بكذب 10 مرات
وفلان بيكذب 8 مرات فى اليوم
وفى الاخر كله كذب
وكله بحسابه
علشان كده لازم كلنا نعيش حياه خاليه من الكذب
حياه صريحه
حياه صادقه
وياريت ماتبصش الى الموقف اللى ممكن الكذب
يخرجك منه
بص مين اللى ممكن يزعل منك
حتى لو سترك
مش معنى كده انه فرحان بيك
لاء
اكيد زعل منك
لانك ماسمعتش الكلام
وغير كده ايوه بقى لو اتفضحت
شكلك هيبقى وحش جدا
هيزعل منك ربك والناس
والناس هتبص لك بصه وحشه
انك مش صريح
وزى ما كلنا عارفين الكذب اخره
النار
ربنا يحفظنا
واظن غباء اوى
لما تكون كلمه تقولها
انا معاك
ممكن تخرجك من موقف
ولكن استحاله
تخرجك من النار
صح ولا ايه ؟؟

وعلى فكره مفيش حاجه
اسمها
كدبه بيضاء بيضا وكدبه سودا
كل الكدب اسود

ولكن فى حاجات
الاسلام اباح فيها الكذب
لما تيجى تصلح بين اتنين
تروح للاول
ده قال فيك احلى كلام
وانت فاهم
والحاجه التانيه
فى الحرب
شغل الجاسوسيه
لان الحرب خودعه
الحاجه التالته
الراجل ومراته
تكون مراته مثلا
مش حلوه اوى
او تكون عملت الرز بدون اى نقطه ملح
وتقولها
تسلم ايدك
كُلها بالكلام يعنى
وبرده الزوجه لزوجها
علشان الحياه تمشى



والنبى قال
كل الكذب يكتب على ابن ادم
الا فى التلاته اللى قلناهم


يلا بقى
صدقونى
الحياه اجمل بكتير من غير كذب
الموضوع ممكن يكون صعب فى الاول
بس لما ربنا يشوف
كل واحد فينا عاوز يبطل كذب
اكيد هيساعدنا
ومش هيسبنا
يلا بقى نبدأ
وماتقولش مش بكدب
من دلوقتى كلنا عاوزين نقول الكلمه دى
انا مش هكدب تانى
وافتكر لو خرجت من موقف
مش هتخرج من جهنم

يلا بينا نبدأ...

ورمضان علمنى ابطل كذب

[b]انتظرونـــا فى الحلقة القادمة والأخيـــرة

بعنوان
"
"
رمضان علمنــى أصبــــــر

الحلقــــــــــة الأخيــــــــــــــــرة


" رمضان علمنى اصبر "




الصبر جميل و الصبر مفتاح الفرج
جمل جميله جدا
لما نقراها
وهتكون اجمل لما نعيشها



كلمه اصبر بنقولها كتيير
وبعضنا ممكن يحس اننا الاساسى التعصب


لكن المفروض العكس
ان الغريب اننا نتعصب
لان بصراحه اللى بيتنرفز ومش بيصبر
بيبقى شكله وحش اوى فى التكشيره ده



وانا معاك ان كل واحد فينا بيتعرض لضغوط وحاجات تنرفز
ولكن ده مش مبرر انك تتنرفز
وده اكبر دليل على انك ضعيف
اه انت ضعيف
لان النبى قال
(ليس الشديد بالصُرَعة،
إنما الشديد الذي يملك نفسه عند الغضب)
لان قوتك بتبان فى مدى تحملك
والصرعه معناها
النرفزه
ايه رأيك ؟؟
اكيد كلنا بتمر علينا اوقات بنخرج عن شعورنا
وبرده النبى مش هيسيبك محتار
حلها لك
اسمع الحديث ده
وعَنْ سليمان بن صرد رَضِيَ اللَّهُ عَنْهُ
قال: كنت جالسا مع النبي
صَلَّى اللَّهُ عَلَيْهِ وَسَلَّم
ورجلان يستبان
وأحدهما قد احمر وجهه وانتفخت أوداجه
فقال رَسُول اللَّهِ
صَلَّى اللَّهُ عَلَيْهِ وَسَلَّم
إني لأعلم كلمة
لو قالها لذهب عَنْه ما يجد،
لو قال
أعوذ باللَّه مِنْ الشيطان الرجيم
ذهب عَنْه ما يجد
فقالوا له إن النبي صَلَّى اللَّهُ عَلَيْهِ وَسَلَّم قال تعوذ باللَّه
مِنْ الشيطان الرجيم
يعنى لما متنرفز قول
اعوذ بالله من الشيطان الرجيم

وربنا قال
(وبشر الصابرين )
واظن انت عارف يعنى ايه
لما ربنا يزف لك بشرى
ولو كملت الايه اللى بعدها
ربنا بيقول هما مين بقى
(الذين اذا اصابتهم مصيبه قالوا انا لله وانا اليه راجعون )
يعنى لما تحصل لهم مشكله
يقولوا احنا بتوع ربنا
يعمل فينا اللى سبحانه عاوز يعمله فينا
لانه مش هيريد لعبده السؤ


وربنا برده قال
والله يحب الصابرين


يااااااااااااااااااااه
بقى النرفزه دى هى اللى هتحرمنى من حب ربنا
والله العظيم طز فيها


لاء اصبر مهما يكون مدى النرفزه
ده ربنا هيحبنى لو صبرت


وكمان ربنا قال
(والله مع الصابرين )
يعنى كمان ربنا هيبقى معايا
لو صبرت
....لا تعليق ....
بالله عليكم ايه يساوى
حب ربنا وان ربنا يكون معايا
......


والصبر انواع
صبر على الطاعه
و
صبر عن المعصيه
و
صبر على البلاء


الصبر اللى على الطاعه
دى اول حاجه
طبعا سهل جدا اننا نعمل طاعه
ولكن مش سهل اننا نحافظ عليها
علشان كده خير الاعمال ادومها وان قلت
والصبر على الطاعه
زى صلاه الفجر انك تصبر عليها
وانك تجاهد نفسك
وتقوم تصلى
بجد شئ جامد جدا وعاوز صبر
وزى برضه
احنا زمننا اختلف عن زمن ابائنا
ولو صبرنا على طريقه التعامل
وكمان لما يأمرونا بشئ نصبر وننفذه
واحنا صابرين
ولما يأمرونا بمعصيه
اى نعم نرفض ولكن بأسلوب شيك ومحترم
زى الحجاب مثلا
احاول اقنعهم باسلوب كويس
وان والدك ووالدتك مش عارفين
اللى بيحصل بره كويس وان
البنت المحترمه كله بيحطها فوق دماغه
كده يعنى
واكيد طبعا الصبر على الطاعه
منها لما اصبر عن عدم فعل شهوه
طاعه لله
علشان مايزعلش منى
وانا بحبه وعاوزه يحبنى
والله يحب الصابرين



والنوع التانى الصبر عن المعصيه
طبعا شئ جامد جدا وعاوز رجاله
وطبعا ربنا خلقنا كلنا بالشهوات وهى شئ موجود
فينا
وكمان حببه لينا
واللى يقول عكس كده يبقى مش فاهم كويس
لان ربنا
زين للناس حب الشهوات
ولكن الحكمه من ان ربنا يخلينا نحب الشهوات
اننا نصبر عليها علشان نستعملها فى الحلال
ولما تجيلنا فى الحلال
نستمتع بيها اوى
ومستحيل اى شهوه تجى لك
الا بعد لما تتعرض لاختبار ليها
الاول وتشوف نفسك
مثلا احنا شباب وحاليا فى اختبار
اننا مش متزوجين
ولكن عندنا شهوه حب الطرف الاخر
وكده كده اللى ربنا كاتب له الزواج هيتجوز
ولكن ربنا عاوز يورى كل واحد لنفسه
والشهوات انواع
1 - حب النساء (الطرب الاخر )
2 - حب الاولاد
3 - حب المال "الاشياء المعناويه المجرده "
4 -حب الذهب والفضه "الاشياء الماديه "
5-حب المظهر
زى العربيه والشقه و..و..
وده كله متاع الحياه الدنيا
يعنى شئ ممتع
ولكن لازم نصبر لحد لما يجي لينا بالحلال


والنوع التالت الصبر على البلاء
لان الله اذا احب عبد ابتلاه



وما نزل البلاء الا بذنب


وان الله اذا اراد الخير بعد عجل له العقوبه فى الدنيا


وما من مسلم يصاب بهم ولا غم ولا نصب ولا وصب
ولا الشوكه يشاكها الا كفر الله بها خطاياه


والهم اللى هى الخنقه
اللى بتهجم على القلب


والغم الهم الى بيصاحبه مرض
يعنى تلاقى بطنك بتوجعك


والنصب اللى هو التعب من عمل معين


والوصب هو المرض


والشوكه بتساوى الخربشه دلوقتى
لعنى لما تتخربش فى حاجه
دى تكفير لذنوبك


اظن دلوقتى فهمنا يعنى ايه الصبر جميل

يلا بينا نصبر

علشان زى ما احنا كلنا بنحب ربنا

ربنا يحبنا

وكمان يبقى معانا




ولحد هنــا انتهت حلقتنا

وانتهت الحملة على خيــــــر

ولنا عوده مره اخرى مع الموسم الرابع

الذى سيشهد مفجأة للجميع بأذن الله تعالى

انتظرونـــــا فلنا عوده مع الموسم الرااابع




كتب لكم هذه الحلقات
محمد عيد (( هنتغير بجد ))











[b]

[b] بتمنى ليكوا من قلبى عظيم الفائده
تحياتى ليكوا فيما بعد لما تتابعوا الحمله


الحلقات انتهت ولكن الحمله لازلت مستمره

تحياتى ليكوا

موللى

MR.Max كتب:

انتى بقه استنى عليا بقه شوية كده كله حلقة هرود عليها





بس الحملة جميلة جدا



وان شاء الله تاثر فى كل الناس

تمااااااااااام
هستنى ردودك وتفاعلاك ادمين وبقيت الاعضااااااااااااء
ومشكور عالمتابعه وتمنياتى بالافاده لكل شخص
وربنا يهدينا جميعا ونتغير للافضل
وتسلم ادمين ع المساااااااااااااانده والتثبيت والتفاعل
مشكور

دلوعه المنتدى

بجد حمله جميله جدا وانا مستعد اساعدك فيها باى طريقه تشوفيها
قليلى انتى بس عاوزهم نى ايه
وانا اعمله

ما شاء حملة عظيمة يا دلوعة المنتدى
جزاك الله خيرا

طيب انا مش لاقي حد يقولك الف سلامة عليكي وربنا يشفيكي مواضعيك بجد حلوة اوووي وبتساعد كتير بس انا بدي
اقترح اقتراح بسيط
طيب شكرا!انا كنت عاوز تشاركي جميع الموجودين خلي الكل يشارك معاكي وبما ان دي حملة يبقي عاوزة صحاب زي العسل
زيك وزي غيرك شباب وبنات ونعمل جروب اسمة بقي احنا تغيرنا بجد حاولو تتغيروا زينا او او خطوة للوصول الي الجنة
حاجات زي كدة وبكدة يعم الاجر
وممكن يبقي واحد او واحدة تفيد زيك كدة
دة رايي وانا اول المتطوعين لية لو لاقت الفكرة اعجابكم
بس يشترط في اللي داخل انة يكون موافق وداخل واجرة علي الله
شكرا لكم
الماجيكوا

باهو اقتراح حلو يا عطوة

وربنا يوفقنا كلنا