مش عارفه ابدأ بايه
ومش لازم حد يرد
بس ارجو انك تكمل الموضوع للأخر وتصبر معايا
هى مش خطبه ولا موضوع منظم الفِكَر بس يا ريت تسيب قلبك مفتوح ليه
تخيل كده
فى يوم عادى
او اجمل ((بالنسبالنا))من العادى
متفسح ومروق وآخر تمام
ودخلت البيت
ملقيش فيه اى حد
أوضة مفتوحه
وحد من أحب الناس اليك
نايم فى الارض على وجهه
((دنا عمرى ماشفته واقع))
ندهت كتير استغثت أكتر
فجأه اكتشفت ان صوتك بيخرج لجوا!!!!!!!
ايوه الصوت فى بطنك بس
محدش سامع ولا حد شايف
انت هنا وبس
أيوه
صح
ده حلم
لالالالالالالالا
كابوس
لا
دى رساله
تنبيه
انذار
مش عارف
سكوووووووووووووووووووووووووووت تام
فكرت فى الموت
ده اكيد مات
اقيس نبضه
مش عارف
بحط ايدى احس بنبضى
ياااااااااااااه اخيرا حسيت ان نبضه هو نبضك
بعد فوات الاوان
شيله من الارض
تقيل
ايه ده
والله ماهتفكر
شيلته واخدته فى حضنك
أطراف بارده جدا وشفايف زرقه
انا اتأخرت قوى كده
مفيش نبض
مفيش اى صوت او حركة
ده مااااااااااااات
اكتشفت ومتغيرش عليك حاجة
برقت اكتر
يمكن
حضنته أوووووووووووووووووى
وافتكرت كووووووووووول حاجة
من يوم مازعقلى وانا صغيرعشان خرمت ورقة من المصحف عشان اعلمها بعبط
ولغاية وهو بيصحينى اول امبارح عشان اصلى الفجر ونفضتله
منا تعبااااااااااااااان
سهرااااااااان
عدمااااااااااان
لالالالالالالالا
انهارده الصبح
وانا نازل كان بيدعيلى
وقالى ربنا يحسن ختامنا جميعا
سكوووووووووووووت تام
مطر من الدموع بلا شحتفه او ادنى صوت
دموع من عيون ميته
ايه ده
صبر
ايمان
لأ دى اكيد الصدمه؟؟
لا والله
اكتشفت انى مؤمن
اكتشفت انى اصلا مش وحش
انا بحاول ابقى وحش
هزة غريبة فى الجسم فوقتك
الوقت متأخر
الراجل ده علمنى كتييييييييييييييييييييييييييير
انى لازم ابقى راجل
فجأه تلاقى نفسك
عدلته لوحدك نحية القبلة
غطيته ولتمته
وكوووووووول حاجة
الدعاء للميت وكل ماحفظت من قرآن
يجرى على لسانك بدون توقف
الله
هو انا حافظ قرآن
ودعاء؟؟
انا لسه فاكر السنه؟؟
انا عمرى فى حياااااااااااااااتى ماشوفت واحد ميت
اعمل ايه
واقف قدامى بيدلنى وانا لوحدى
اتصرفى
الوقت متأخررررررررررررررررر جدا
مفيش غيرك
الغسل
الدفن
ايه ده بتستهبل؟؟
انت بتتكلم وكأنه ميت؟؟
ايوه ماااااات
اتصرف
هتغطيه بملايه وتشغل قرآن عالى وتفتح كل الانوار والمراوح
وبخوووووور
وادخل نام
انام ازاى؟؟
لسه حاجة نسيت تعملها.....
مش المفروض تكلمه
لا فزع ولا خوف من لقاء الله
هئ
ضحكتنى
انت اللى هتصبره؟؟
ده فرحان ووشه بيشع نور
شوف لو انت مكانه دلوقتى
هتعمل ايه
........................
*خوفتنى
صحيح هقابله ازاى انا بحبه
*بس بتعصاه
*دنيا
*بتمشى ورا هواك
*مش انا لوحدى
*بس يومها هتبقى لوحدك
*يوم ايه انت بدأت تخرف
*لما تكون مكانه ......هتقول للملايكه ايه...... ولا نسيت ؟؟؟
بلاش هتعمل ايه لما أهلك يرموك فى التراب ويغطوك بالتراب ويسوبوك وتكون لوحدك مفيش معاك غير عملك
وانت عارف شكله ايه هتعمل ايه لما.......
*كفااااااااااااااااااااايه كفايه تعبت
انا كنت لما بنت تسيبنى او حاجة تخنقنى اقول هروح انتحر عوز اموت
دلوقتى اكتشفت انى مش لازم اموت
مينفعش اموت
قصدى يعنى وانا كده
انا عاوز اتغير
لازم الحق قبل ماييجى عليا الدور
يااااااااااااااااااااااااااااااااااه يا أخى ده ربنا ده رحيم بشكل
بياخد اللى جاهز عشان اللى مش جاهز يجهز
كلنا واقفين فى طابور مستنيين الدور
ومتغميين
لا عارفين مين ورانا ولا مين قدامنا
ومش هنفتح
غير لما نموت
يا رب اهدنا
آآآآآآآآآآآآآآآآآآآآآآآآآمين
